لماذا عدل دستور ١٩٧١؟
الإجابة المعلنة هي عشان ينظم المرحلة الانتقالية وينقل مصر من الدكتاتورية إلى الديمقراطية. السؤال التاني بقى لماذا اخترنا هذه الطريقة لتنظيم العملية الانتقالية؟ هل كانت ديه أحسن طريقة؟ هل تناقش المجلس الأعلى للقوات المسلحة مع خبراء وفقهاء الدستور قبل أن يختار هذا المسار؟ معا العلم إنو كان فيه كذا إختيار، ربما كانو أفضل من تعديل دستور ١٩٧١.
عشان تنظم فترة انتقالية يلزمك دستور إنتقالي بسيط، يتكون من ١٠ لي ١٢ مادة، تحدد المسار بوضوح لكتابة دستور دائم ديمقراطي. الدستور الانتقالي دة لن يتطرق إلى مواضيع خارج نطاق الفترة الانتقالية. لكن المجلس الأعلى للقوات المسلحة قررو يعدلوا دستور ١٩٧١. دستور ١٩٧١ (لل مايعرفوش)يعطي الرئيس صلاحيات فرعونية، جنونية،استبدادية ممكن تخلي ملاك (لو بقى رئيس مصر) يبقى فرعون. ففي دستور ١٩٧١ الرئيس هوا القائد الأعلى للقوات المسلحة، و هوا رئيس هيئة الشرطة، و يقدر يحل مجلس الشعب والشورى، و هوا إلي يعين المحافظين، إلخ، التعديلات الدستورية لم تعالج الفرعونية ديه في الدستور. لما اتسأل د. طارق البشري، لماذا متعلجتشي العيوب ديه فالدستور، قال إن ديه خارج نطاق التعديلات و الدستور الجديد هوا إلي لازم يعالج المشاكل ديه.
إذاً الصورة كلأتي ،الدستور الإنتقالي هوا دستور فرعوني معيب فيه بعض التعديلات التي تنظم الفترة الانتقالية. السؤال تاني يرجع لماذا نستخدم دستور معيب؟ بجد أنا مش فاهم، إيه إلي يجبرنا على كدة؟
لو كانت التعديلات فقط تنظم الفترة الانتقالية، إلي هيا مفروض سنة أو سنة و نص بالكتير، ليه التعديلات تضمنت فترة الرئاسة؟ و شروط إنتخاب الرئيس؟ ديه حاجات مفروض الدستور الدائم هوا إلي يحددها مش الدستور الانتقالي. يعني التعديلات خليت فترة الرئاسة ٤ سنين، و الدستور الإنتقالي نفسو عمرو بالكتير سنة و نص!!!! فلماذا إتعدليت المواد ديه؟ على حسب بعض الفقهاء الدستوريين، التعديلات المطروحة غير ملزمة بكتابة دستور جديد، و التعديلات تضمنت أجزاء مش من اختصاصها، يبقى دة بيفتح باب للشك إن الدستور القديم إتعدل عشان .يفضل، و أرجو أكون غلطان في هذا الشك
إذاً فالنهاية احنا لسة مش عارفين لماذا حصلت التعديلات ديه، د. عمر خالد قال كلمة جميلة أوي فالموضوع دة، سأل ازاي الرئيس الجديد هيقسم إنو هيحترم الدستور و الشعب كلو لا يحترم هذا الدستور!!!؟
.حتى لا نكون بنصوت على حاجة مش فهمنها يبقى الإجابة السلم هي لا
No comments:
Post a Comment