لو منزلتش تقف مع الواقفين، بعد كدة متسألنيش
متسألنيش ليه دورت على شغل و قالولك مفيش
متسألنيش عن سحابة سودا و جو ملوث و ليه مش عارف تعيش
متسألنيش....
متسألنيش عن دم خالد سعيد و السيد بلال
متسألنيش ليه ركبك عز و دلدل رجلو جمال
متسألنيش....
متسألنيش ليه باخد على أفايا فالاقسام
و بتسحل فالمظاهرات و باخد بالقلام
متسألنيش....
متسألنيش ليه مصر مش محصلة تركية ولا اليونان
ولا كوريا، يا رجل داحنا بقينا أنيل من إيران
متسألنيش...
متسألنيش عن الرشاوي و المحسوبية والفساد
ولا تسأل فين مصر في حقوق الانسان والإقتصاد
متسألنيش...
متسألنيش ليه قالو عليك جبان أو خاين
مانتا في عز الشدة كنت مش باين
أو يمكن كنت نايم
متسألنيش....
متسألنيش حصل إيه في اليوم الموعود و تقول يا حرام
دول كانو بيسحلوكو والعساكر كانت بيكو بتبطش
محنا استنجدنا بيك وانت منزلتش...
Subscribe to:
Post Comments (Atom)
No comments:
Post a Comment